DUHTAK.!

Duhtak..!!..🌹

 » Siâr zâmna vânzãwl kîlin Chhawrthlapui khian, leilung ênin a ropuina a lantir tih hai rual a ni lo va; duh thu leh sâwm ni hauh lovin lunglenna chuan min zêm lo thei lovang.

» Ni e..he'ng hunah hian tu fâ-in nge thlir lo phal ang a, tu tehlulin nge haider phal ang ni! Tiraw?

» Kawlkil piaha pialral saw a chhenfakawm em tih hre kher lo mah ila, hriatna pêng tinte hian nang chu ngaihngam taka ngaih che an duh a, ka thlakhlelhna che thlahlel fo turin min thlahthlam ngai lo ang che aw..

» Țhâl khawro liamin fûr a tawng baw țhin tih hi a dik tluk zet hian, 'Mangțha' tih hian 'kumkhua' tih hi hmakhalh fovin; Hlimna râwl a zawih chang te, lungngaihna rûm ri a rin zawk changte a lo inherchhuak lo thei dawn si lo.

 » Leilung zâi ri hian min awitlei reng lo ang a, kan nuna rimawi ber berte pawh an la ngaihnawm reng lovang. Mahse duhtak, thlâ khi a mang reng lo tih i hria a, zân chu thim mah se, nî in a thunun țhin tih pawh i hai loh kha!.

» A ni tak e, ka sawi tum ber chu maw, ka thlakhlelhna che thlahlel ve fo tura 'Inhmangaihte' nih hi ka duhthusam zinga ka sâm thiam ber a la ni fan!!_ ❤